10 hab oo aad examka ama imtixaanka aad ugu guulaysan karto || 10 Hidden Tips for Exam Success

Hordhac ( introduction )

Ma u baahantahay inaa dhibco badan  keentid?

Ma ku dhib qabtaa diyaariska imtixaan naadka?

Ma doonaysaa inaad imtixaanka ku baastid ?

Ma kaa qaldan yahay habka aa wax u diyaariso?

Dhamaan su aalahaan waxaan kaga jawaabi doonaa maqaalkeena maanta, hadii aa jeceshahay inaan soo gudbiyo maqaalo nuucaan oo kalaa oo aan ardada wax ugu faaidaynaayo fadlan comments ka iigu reeb, hana iloobin inaad share dhahdo maqaalka si uu u gaaro dadkii ka faaidaysan lahaa.

…………………………………………………………………………………………………….

Maqaalka (The article)

Marka laga hadlaayo inaa shay naftaada ah hormarisid waxaa u baahantahay inaad qabato howlo adag oo aad u qabanaysid sikala gooniya ama adiga oo is dhex galinaaya. Sidaa darteed maanta waxaan halkaan kuugu soo gudbinaayaa 10 wado oo hadaa si kala gooniya ama si isku dhex darid ah aad u qabatid kaa saacidaaya inaad imtixaanka aad galayso ka miro dhaliso guulna aad ka gaarto kana hor marto ardada kugula jirta tartankaas schoolka ama jaamacada ah.

 

1: qodobka kowaad ,Nafsadaada waa inaa siisaa waqti ku filan oo ay wax barato.

Waxaa jira dadka wax barta ama aradayda qaarkood oo dhaha wax aqri ilaa waqtiga ugu danbeeya ee imtixaanka, waxayna sabab oga dhigaayaan waa ku guulaysanaysaa oo waxaa macquul ah wixii hadda ugu danbeeyay oo aa aqrinaysay in lagu keeno waydiimaha imtixaanka.

Lakiin sidaa ma ahan xalku maxaa yeelay hadii maalin saas lagu keenay oo nasiibku ku saaciday ma ahan in maalin kasta lagu keenaayo meesha ugu danbaysay ee aa aqrinaysay buuga.

Waxaa xalku yahay inaa waqtigaaga maamusho, samaysato maado kasto maalin iyo waqti aa diyaariso  bilow ga daraasad wax barasheed kaaga ilaa dhamaadka daraasadaha.

Waxaa kaloo qorotaa inta imtixaan ee aa galaysid iyo inta maalmood ee kuu harsan, kuwaan waxaa ka faaidaysaa markaa qoratid isugu aadi maadooyinka sida ay  u kala adag yihiin iyo sida ay u kala fudud yihiin, kadib hor marso kuwa kuu fudud si aysan waqtiga inta badan kaaga qaadan maadooyinka kugu adag, kadibna dayacaad kaaga dhacdo madooyinka aad ku fiicantahay.

In dadku ay hor mariyaan waxa ku adag ayagoo ka tagaaya waxa u fudud waa qalad dhaca inta badan fadlan ka tig toonow taas oo wax u aqri qaab aad ku dareemaysid raaxo iyo dhib la aan.

………………………………………………………………………………………………………………..

2 Qodobka labaad, Hagaagso goobta aad wax ku diyaarinaysid  iyo sida aad wax u diyaarinaysid.

Iska hubi meelahaan, mahaysataa waqti kugu filan oo aad ku fiiriso wax yaabihii aad ka kayd satay hadalka macalimiinta iyo macluumaadkii buugaagta ku qornaa,

ma haysataa iftiin kugu filan oo aad wax ku diyaariso, mahaysataa meel ama fadhi ku haboon inaa wax ku diyaariso. sida ( kursiga, miiska iyo daganaansaha meesha aa wax ku diyaarinayso).

Iska xir social media ama baraha bulshada kuwa aadan waxba ka faaidayn kaliya kaa luminaaya waqtigaaga,

Iska jooji hadii aad leedahay hiwaayad ama dabeecad sida inaa game iyo wax lamida ciyaarto inta badan.

Intaan waxa ay kaa dhex galaayaan inaa sifiican wax u diyaariso marka iska jooji wax kasta oo ku carqaladayn lahaa.

Markaa intaas samayso kadib garo habka  inaa wax u diyaariso aad jeceshahay dadka qaar waxa ay jecel yihiin, meel aan buuq lahayn inay  wax ku diyaariyaan sida aniga oo kale.

Dadka qaarna  dhaysiga shay ayay wax ku diyaariyaan.

Dadkale oo waxaa jira iyagana jecel meelaha labuuxo inay wax ku diyaariyaan.

Kuwa kale ayaa jira iyagana door biday inay wax ku diyaariyaan meel wax kasta  ay isku toosan yihiin oo hadii hal shay qaldan yahay ka lumaayo in diirada ay wax diyaaris saaraan, sida in uu buugaagta dhan haysto, inuu computer haysto inuu internet haysto in guriga dhan hagaagsan yahay oo hal shay haduu ka qaldan yahay waxba kuma diyaarin karo.

Sidaa daraadeed garo midka aa tahay adiga oo ku dadaalaaya inaa hesho meesha aa ku haboon tahay inaa wax ku diyaariso.

………………………………………………………………………………………………………………

3 qadobkaa sadex , samayso sawiro ama qoraalo  gaa gaaban oo aad wax ku soo xasuusato.

Markii aa u baahantahay inaa wax ku ceshato ama soo xasuusato muuqaalka ama sawirka waa kan loogu xasuusan ogyahay, sidaa darteed naftaada tartan gali oo isku day inaa soo qabsato maado kamida maadooyinka kadib naftaada aadoo bug eegayn ka qor intaa xasuusato.

 Kadib ku laabo buuga oo arag meelaha aadan xasuusan oo baro. Imtixaanka markuu soo dhawaadana isku aruuri oo maadooyinka oo sawiro iyo erayo gaa gaaban kadhigo , tan waxay kaa caawinaysaa inaa horay wax kasta kasoo xasuusatid.

………………………………………………………………………………………………………………..

4 qadobka afraad, ku laabo imtixaanaadkii hore ee aad horay u gashay.

Tan waa habka ugu wanaagsan ee imtixaan loo diyaariyo inaa ku laabatid waydiimihii horay laguu waydiiyay sida ay ahaayeen.

Qaabkan waxa uu kaa ciwanaa inaa fahantid habka uu imtixaanka u imaanaayo iyo meelaha wax lagaa waydiin karo inaa garatid.

Sidoo kale waxaa muhiim ah hadii aad waqti fiican haysid in aa mowduuc kasta waqti fiican siisid oo aad ku diyaarisid.

……………………………………………………………………………………………………………

5: qadobka shanaad, u sharax dadka kale waxaa baratay.

Waxaa macquul ah ama dhacda in qoyskaaga ay kugu buuqaan xiliga aa ku jirtid inaa isku diyaariso imtixaanka.

Sidaa darteed ayaga u adeegso qaab aad ku faaido. Yaab sidee ku dhacaysaa inaa buuq faaido u badasho. Hadaba sidaan raac oo ugu badal faaidadaada.

Suaal ayaa waydiinaysaa oo kamida waxa aa diyaarinaysid marka ay garan waayaana waa oga jawaabaysaa.

Sidaan markaa samaysid maskaxdaada si cad ayay ugu qormaysaa maadaama aa sifiican u maqlaysid waxa aa sharxaysid xusuusna waa ka helaysaa. Suaalahaagana ku salee meelaha aad is leedahay waa adag yihiin waydiimahana waa ka imaan karaan.

………………………………………………………………………………………………………………..

6: qodobka lixaad, samayso koox aad wax isla barataan.

Waa inaa heshaa koox aad wax isla aqrisataan fasalkaaga, maxaa yeelay waxaa jira suaalo aadan hayn jawaabo hooda balse ay ayaga hayaan, ama jawaabo iyo suaalo aa haysid oo aysan ayaga hayn. Sidaa darteed waxaa jira baahi labada dhinac ah oo hadii aad buuxisid wax badan idinka anfacays dhan kaimtixan diyaariska..

Hadii waqti dheer uu idinkaga baxo ka hadlida mowduuc, waxa uu noqonayaa midka loogu yaqaano casharkaas. Ku dadaal inaa kooxdada wax la baratid si aad u wada guulaysataan.

…………………………………………………………………………………………………………………

7: qodobka todobaad, nasiino qaado waqtiyada qaar.

Waxaa laga yaabaa inaa ku fikiraysid inaa waqti badan wax aqrisid inay tahay sida ugu fiican ee wax loo barto lkn sidaas hadaa samaysid wax badan masoo saaraysid waayo waad daalaysaa maskaxdana sifiican wax uma qabanayso.

Tusaale hadii aa tahay tartamaa orod ma ahan inaa 24 saacba maalinkii aa arodo si aad guul u gaarto balse waa inaa waqtiyo nasiino qaadataa si maskaxdaada iyo jirkaaga isku kabaan.

Sidaa darteed hadii aa rabtid inaa wax diyaariso waa inaa qaadataa waqtiyada qaar nasiino.

Qof kasta qofka kale waa ka duwan yahay, ku dadaal waqtiga aa ku haboon tahay ama aa ku fir fircoontahay inaa wax diyaariso, dadka qaar waxa ay jecel yihiin in subixii wax diyaariyaan, sidaa owgeed diyaari waqti hore madadaada si aad duhurkii u nasato. Dadka qaarna habeenkii ayay jecel yihiin inay wax diyaariyaan, sidaa darteed maalinkii waqti fiican oo nasiino ah qaado si aad habeenkii si fiican wax ugu diyaariso.

Raadi maalinkii inaa hesho qorax maxaa yeelay waxaa laga helaa vitamin D waxa uuna muhiim u yahay maskaxdaada caafimaadkeeda.

……………………………………………………………………………………………………….

8: qodobka sideedaad. Cun raashin u fiican maskaxdaada iyo xusuustaada.

Inaa cuntid raashin waxa ay kor u qaadaysaa tamarta jirkaaaga iyo maskaxdaada.  sidoo kale waxay kuu sahlaysa inaa diirada saarto waxa aad qabanaysid ama diyaarinaysid.

Kana fagow cuntooyinka aan wax tarka kuu lahayn oo ay ka maqanyihiin nafaqaadkii uu jirka u baahnaa, oo waxaa qaadataa cuntooyin wax tarka u leh jirkeena iyo xusuusteena sida, malayga, ukunta, qudaarta cagaaran, looska iyo dhamaan wax yaabaha aa kahelaysid tamarta.

Sidoo kale imtixaanka ka kahor waa inaa cuntaa raashin fiican oo aa ka helaysid nafaqo iyo energy. Si aadan ugu daalin imtixaanka xusuus wacana u yeelatid.

…………………………………………………………………………………………………………………….

 

9 Qodobka sagaalaad: diyaarso dhamaan wixii lagaaga baahan yahay imtixaanka.

Qodobkaan waxa uu kuu tilmaamayaa inaa diyaarsatid dhamaan waxa aa u baahantahay si aad imtixaanka u gasho, ha ahaado waqtiga lagu rabo, ahaado qalinkaaga, ha ahaado dharka uniformka ah, ha ahaado xisaabiye ama calculator iyo dhamaan wixii kale ee sharci ah ee u dagan imtixaanka. Madaama sharuudaha iskuulada iyo jaamacaha kala duwan yihiin.

Kuna xisaabtan marwalba waqtiga imtixaanka ugu yaraan inaa sodon daqiiqo kasoo hor marto ama ka badan .

…………………………………………………………………………………………………….

10: qodobka tobnaad kan ugu danbeeya: cab biyo Fara badan.

Markaa biyaha sifiican u cabto yacnii intii laguugu talagalay oo ah ugu yaraan sided galaas oo biyo ah maalinkii, inkastoo aa ka badin kartid, hadana marka jirkaaga biyo fiican leeyahay maskaxdaada waxa ay u shaqaynaysaa sida ugu fiican.

Sidaa owgeed cab biyo badan markaa wax diyaarinaysid iyo markaa imtixaanka galaysid.

 

Maqaalkeena maanta intaas ayuu ku egyahay aqriste hadaa ka heshay comment ka bixi waxa aad ka jeclaatay  maqaalka asxaabtaadana la wadaag si ay ugu gudbaan imtixaanka mahadsanid wabilaahi towfiiq.

 

Muuqaalka